Sunday, May 29, 2005

چونكي رفع اوْلدو اوزوندن اي شهِ خوُبان نيقاب

قالمادي كوفر و ضلالت ظاهير اوْلدو آفتاب

حق عيان اوْلدو سنه‌ اي مظهرِ ذات و صيفات

كنزِ مخفي آشيكار اوْلدو و هم يوم الحساب

اؤلكه بو سيرّي بيلير اوْلدو شهِ ميصرِ ووجود

حؤكم اوْنون، بوُيروغ اوْنون اوْل صاحيبِ امر و خيطاب

عاريف حق ايسترم سؤز تانييه عالمده كيم

سؤيله‌ديم مقصوُديمي تا اوْل وئره گئرچك جاواب

واليِ عهد اوْلدون اي «سيّد» ز فضلِ لم‌يزل

گؤر نه‌دير والي، بوُدور والله اعلم باالصواب

حال ايچينده‏يم

گرچه فراقه دوˇشموˇشم عين وصال ايچينده‏يم

گل نظر ايله حاليمي گؤر کي نه حال ايچينده‏يم

نقش خيال صوُرتين سانما کي مندن ايريدير.

چوˇن بوُ خيال نقش ايله نقش و خيال ايچينده‏يم

زوˇلف ايله قاش و کيپريگي «ابجد» و «جيم»و«دالميش»

من بوُ حرف شکلينين «جيم»ايله«دال» ايچينده‏يم

سن منيم اوْلدوُغوسن اوˇچوˇن دشمنه ظاهر اؤلماميش

منکريله بو معني‏دن قيل ايله قال ايچينده‏يم

نقشينه قاش و آننيني وئردي ”نسيمي“ کؤنلوˇمي

من بوُ سببدن اي گوˇنش بدر هلال ايچينده‏يم

بوُ جهانه سيغمازام

منده سيغار ايکي جهان من بوُ جهانه سيغمازام

گوهر لامکان منم کوُن و مکان سيغمازام

عرشيله فرش و کاف و نوُن، منده بوˇلوˇندوˇر جمله چوˇن

کس سؤزوˇنوˇ اوُزاتماکي شرح و بيانه سيغمازام

کيمسه گمان و ظنيله اؤلمادي حقيله بيليش

حقي بيلن بيلير کي من ظن و گمانه سيغمازام

جانينله هم جهان منم دهريله هم زمان منم

گؤر بوُ لطيفه‏ني کي من دهر و زمانه سيغمازام

ناره يانان شجر منم ، شمس من، قمر منم

روُ ح و روان باغيشلارام ، روُح و روانه سيغمازام

تير منم کمان منم، پير منم جوان منم

دولت جاودان منم ، آيينه دانه سيغمازام

گرچه بوُ گوˇن ” نسيميم“ هاشمي‏يم قريشيم

بوُندان اؤلوُدوُر آيتيم، آيته شانه سيغمازام